our blog

the cat, my girlfriend and me

Gedichte

Hier eine kleine Zusammenstellung diverser Gedichte zu allen Lebenslagen: geschrieben von Sandra Uetz

1 Kommentar »

  1. MUETTERTAG

    Hüt isch ä spezielle Tag,
    das isch gar kei Frag.
    Iz isch widermau ä guete Zytpunkt da,
    für Dier MERCI d`säge, für aues wo Du für üs hesch tha.
    Ig bi so dankbar und froh, Dier dörfe Mami d`säge
    u drzue no mini beschti Fründin, das muess doch fäge!
    Ig bi äuä aus Chind nid immer eifach gsi,
    mängisch bisch vilich ou chlei froh, isch di Zyt verbi.
    Ufnä angere Wäg, isch di Zyt wo mier chli u putzig si gsi
    sicher ou viu ds schäu verbi.
    Du hesch mier viu Grundsätz chönnä mitgäh,
    das hani scho i mängere Situation chönä wahrnäh.
    Du bisch für mi ds beschte Mami wo mä cha ha,
    u drum muesch wüsse, ig bi immer und ewig für Di da.
    Für ds beschtä Mami vor Wäud! (Gschribe im Mai 2009)

    ÜSI MAM
    Mini Schwoscht u ig si so glückläch,
    mir hei ds beschte Mami würkläch!
    Ihri Liebi u Güeti isch ä Pracht,
    Tag für Tag u Nacht für Nacht!
    Mir chöi immer zu Ihre gah, egau öbs guet oder schlächt geit
    si isch öpper wo immer zuänis steit!
    Mir hei Ihre so viu Erger bereitet,
    aber Ihre isches mit üs nie verleidet!
    Früecher aus Ching, hei mir viu Seich bottä,
    aber Sie het üs nie ds viu verbotte!
    Üses Mami het üs so viu Chraft gäh,
    itz chöi mir üses Läbe besser id Hang näh!
    Bim Mami hei mir aues für ds Läbe chönne lehre,
    ig hoffe mir chöi ds Läbe lang mit Ihre verchehre!
    Üses Mami isch üs sehr wichtig,
    das isch für mini SChwost u mi absolut ke Verpflichtig!
    Mir möchte Sie am liebste nie verliere,
    wüu mir sie überaues liebe würd äuä üses Härz igfriere!
    Mir hoffe, mir dörfi ds Läbe lang für Sie da si,
    aber das sött Ihre eigentlich würklich klar si!
    Egau wis witter geit,
    mir hoffe, dass Sie üs immer versteit!
    Ou wenis aui i Wahnsinn tribe,
    üsi Gedanke wärde immer bim Mami blibe!
    Mir hei glehrt Läbe mit weni Gäud,
    aber üses Mami liebe mir meh aus aues angere uf dere Wäut!
    (Gschribe im Juli 2000)

    FÜR DIE ONKOLOGIE SPITAL THUN
    Wenn man sich nicht wohl fühlt, ist man hier am besten aufgehoben,
    bei den Schwestern der Onkologie im Spital oben.
    Sie schauen super zu Ihren Patienten,
    noch besser als die Mütter zu Ihren kleinen Enten.
    Schlechte Laune kommt hier nicht in Frage,
    wenns einer Schwester nicht gut geht, kommt das bei den Patiente gar nicht zu trage.
    Die Leute, die hier behandelt werden, werden immer aufgebaut
    Patienten alleine Ihren Problemen überlassen, das ist out.
    Deshalb möchte ich Ihnen allen ganz herzlich danken,
    leider nur mit diesem Gedicht und nicht mit Franken.
    Der Arzt ist aber auch sehr toll,
    er ist immer bei der Sache und das zwar voll!
    (Gschribe im September 1999)

    FÜR RENÉ
    Woni das mit Dier ha vernoh,
    hets mier fasch dr Schnuf wäggnoh.
    Ä so ä liebe Mönsch wi Di ds verliere,
    isch mega schwirig ds Akzeptiere.
    Du bisch für mi wine grosse Brüetsch gsi,
    u itz isch eifach aues scho verbi.
    Dini Entscheidig isches gsi, di Wäut ds verlah,
    ou wes für üs mega schwirig isch ds verstah.
    Ig wirde Di Wäg anäh,
    ou wes mier schwär faut das Wahr ds näh.
    Du wirsch ewig i üsem Härz witerläbe,
    das isch so sicher wi ir Chiuche Gottessäge.
    Ig wünsche Dier nume ds beschtä für Dis witere tueh,
    u wünsche Dier vorauem Dini verdienti u gwünschti Rueh!
    (Gschribe im April 2010)

    ÜSÄ GROSPÄPU

    Für di Zyt wo mir zämä hei dörfä erläbe,
    wete mir dir vo ganzem Härze merci säge.
    Mir hoffä dass du di witer Wäg,
    chasch ga,gsund u zwäg!
    Mir wüsse, du wirsch üs, i üsem Läbe witer begleite,
    so dass mir üs nid vo angerne löh la verleite.
    Du hesch üs i üsem Läbe viu ghoufä trage,
    da mues gar niemer öppis dernah frage.
    So ä guetä u liebä Mönsch wi du bisch gsi,
    das wird immer ganz fescht i üsem Härz versiglet si.
    im Moment hingerlaht di Tod e risige Schmerz,
    i aune vo üsne Härz,
    aber i weiss scho ize,
    dass mir üsne Chind u Groschind, mit viu Fröid u Glücklichkeit vo dir dörfe verzeue, natürlich ou dini Witze!
    Du wirsch immer u ewig e grosse Platz i üsem Härz ha,
    der Gedanke a di schöni Zyt, womer zäme hei gha, wird üs Gott sei dank nie verlah!

    In Liebe…
    (Gschribe im April 2009)

    Kommentar von bagiueli | 23-07-2010 | Antworten


Hinterlasse einen Kommentar